Dal Palak | పాలకూర పప్పు
పాలకూర పప్పు తయారీకి కావలసిన పధర్థాలు :
- తరిగిన పాలకూర : 2 కప్పులు
- టమాటో : 2
- తరిగిన ఉల్లిగడ్డలు : 1/2 కప్పు
- చింతపండు : 1/4 కప్పు
- ఇంగువ : చిటికెడు
- నూనె
- ఎండుమిర్చి : 4
- పచ్చిమిర్చి : 4
- వెల్లులి రెబ్బలు : 6
- పసుపు , ఉప్పు : తగినంత
- పోపు దినుసులు : 1 స్పూన్
- కరివేపాకు, కొత్తిమిర
తయారీ చేయు విధానం :
- పాలకూర ను కడిగి సన్నగా తరిగి పక్కన పెట్టుకోవాలి.
- పప్పు కుక్కర్ లో కంది పప్పు వేసి 2, 3 సార్లు కడిగిన తరువాత పచ్చిమిర్చి, ఉల్లిగడ్డ ముక్కలు, టమాటో ముక్కలు, పసుపు వేసి కలిపి ముత పెట్టి 2 విసిల్స్ వచ్చేంత వరకు స్టవ్ ఫై పెట్టాలి.
- ఇలా 2 విసిల్స్ వచ్చాక ముత తీసి కడిగిన పాలకూర, చింతపండు ,ఉప్పు వేసి కలిపి మరొక విసిల్ వచ్చే వరకు స్టవ్ ఫై పెట్టాలి .
- పప్పు ఉడికాక దాన్ని పప్పు గుత్తి తో రుబ్బి ఉంచాలి.
- స్టవ్ ఫై కడాయి పెట్టి 4 స్పూన్స్ నూనె వేసి వేడెక్కాక ఎండుమిర్చి, పోపు దినుసులు, చిటెకెడు ఇంగువ, నలిపిన వెల్లులి రిబ్బలు, కరివేపాకు మరియు పసుపు వేసి దానిలో ఉడికించిన పప్పు వేయాలి.
- చివరగా కొత్తిమిర ను కూడా వేసి రుచి సరి చూసుకోవాలి.